ಗಾಯತ್ರೀ ಮಂತ್ರದ ಮಹಿಮೆ, ಉಪಾಸನೆ ಮತ್ತು ಪುರಶ್ಚರಣೆಗೆ ಸಂಬಂಧಿಸಿದ ಅನೇಕ ವಿಷಯಗಳು ಸಂಸ್ಕೃತ ವಾಙ್ಮಯದಲ್ಲಿ ವಿಸ್ತಾರವಾಗಿ ವರ್ಣಿಸಲ್ಪಟ್ಟಿವೆ. ಸಾರಭೂತವಾಗಿ, ಮಾನವನನ್ನು ಪ್ರಜ್ಞಾಶಕ್ತಿಯ ಪರಾಕಾಷ್ಠೆಗೆ ತಲುಪಿಸುವ ಸಾಧನವೇ ಗಾಯತ್ರೀ ಉಪಾಸನೆ. ಪ್ರಕೃತಗ್ರಂಥದಲ್ಲಿ ಗಾಯತ್ರೀಮಂತ್ರದ ಪುರಶ್ಚರಣವಿಧಿಯನ್ನು ಹಲವು ಗ್ರಂಥಗಳಿಂದ, ಆಪ್ತವಿದ್ವಾಂಸರ ಸಲಹೆ-ಸಹಕಾರದೊಂದಿಗೆ ಸಂಗ್ರಹಿಸಲಾಗಿದೆ. ಇಂತಹ ಪ್ರಯತ್ನ ಕನ್ನಡದ ಮಟ್ಟಿಗೆ ಇದೇ ಮೊದಲೆಂಬುದು ಪ್ರಕಾಶಕರ ಅಭಿಪ್ರಾಯವಾಗಿದೆ.